Окуя болгон жерге ӨКМ менен Жол кайгуул кызматынын кызматкерлери келишти.
БИШКЕК, 27-мар. — Sputnik. Борбор калаадагы Турусбеков жана Пушкин көчөлөрүнүн кесилишинде бак кулап эки машинаны басып калды. Анын кесепетинен бир киши каза болду. Бул тууралуу ӨКМ билдирди.
Бак №2 мектептин маңдайынан кулаган. Окуя болжол менен кечки саат 7.00дөрдө болгон. Бак мектептин алдында токтоп турган Toyota Camry жана жолдон өтүп бараткан Toyota Estima автоунаасын басып калган. Анын кесепетинен өтүп бараткан машинанын 37 жаштагы айдоочусу каза болгон. Toyota Camry унаасында киши болгон эмес.
Окуя болгон жерге ӨКМдин куткаруучулары менен Жол кайгуул кызматынын кызматкерлери келип, иликтөө иштерин жүргүзүүдө.
