БИШКЕК, 23-мар. — Sputnik. Эл аралык издөөгө алынган Адил Тойгонбаев Интерпол аркылуу Дубайдан кармалды. Бул тууралуу ИИМдин маалымат кызматы Интерполдун Кыргызстандагы өкүлчүлүгүнө таянуу менен билдирди.
Белгилей кетсек, Адил Тойгонбаев Казакстандын жараны, биринчи президент Аскар Акаевдин күйөө баласы болчу. Ал Бермет Акаевага үйлөнгөн эле.
Интерпол менен Бириккен Араб эмирлигинин укук коргоо органдары биргелешип жүргүзгөн издөө иш-чаранын жүрүшүндө Дубайдан 1966-жылы туулган Адил Тойганбаевди кармашкан.
Тойгонбаев 2005-жылы март окуясынан кийин эл аралык издөөгө алынган. Ал Акаевдин бийлиги учурунда бир катар мамлекеттик ишканаларды мыйзамсыз менчиктештирип алды деп айыпталган.
Ал ошондой эле Кыргызстандын укук коргоо органдары тарабынан дагы издөөгө алынган болчу.
