БИШКЕК, 14-фев. — Sputnik. Дос кыздары тарабынан сабалды делген кыз ооруканага алып келингенин Бишкек шаардык ички иштер башкы башкармалыгынан Sputnik Кыргызстан маалымат агенттигине билдирди.
Милициянын маалыматына ылайык, окуя ишемби күнү кечинде Бишкек шаарында болгон. Кемин районунун 18 жаштагы тургуну Улуттук госпиталга жеткирилген.
ШИИБден билдиришкендей, кыз аны дос кыздары сабаганын айткан. Улуттук госпиталдан кыздын абалы тууралуу эч кандай комментарий беришкен жок.
Учурда окуянын чоо-жайы такталууда.
