Күбөлөр: "Манас" аэропортунда бомба изделүүдө, жүргүнчүлөр эвакуацияланды

© Наталья Кушпаренко"Манас" аэропортунун алдында турган жүргүнчүлөр.
Манас аэропортунун алдында турган жүргүнчүлөр. - Sputnik Кыргызстан
Жазылуу
Кыргызстандын ири аэропортунда кооптуу кырдаал жарыяланды. Жардыруучу зат тууралуу маалымат түшүп, жүргүнчүлөрдүн баары эвакуацияланды.

БИШКЕК, 20-дек. — Sputnik. "Манас" аэропортунда бомба изделип жатканын Sputnik агенттигине жүргүнчүлөр билдирди.

Бишкек — Стамбул каттамынын жүргүнчүсү Наталья Кушпаренконун айтымында, эртең менен аэропортко бомба коюлганы тууралуу маалымат келип түшкөн.

"Жүргүнчүлөрдү имараттын өзүнөн чыгарышты. Учурда биз аэропорттун жанында автобустарда отурабыз", — деди ал. 

Манас аэропортунун имараты. Архив - Sputnik Кыргызстан
"Манас" аэропортунда бомба табылган жок, жүргүнчүлөрдү каттоо калыбына келди
Дагы бир жүргүнчү Авланбек Жумабаев учак "Манас" аэропортуна келип конгону менен жүргүнчүлөрдү аба кемесинен чыгарбай жатышканын айтты.

"Манас" аэропортунда кооптуу кырдаал жарыяланды. Бомба издеп жатышат", — деп жазды ал социалдык тармактарга.

Улуттук коопсуздук боюнча мамлекеттик комитеттин маалымат кызматы азырынча бул тууралуу маалымат жок экенин айтып, милицияга кайрылууну сунуштады. ИИМ түшүндүрмө алуу үчүн жеткиликсиз болуп жатат.

Жаңылыктар түрмөгү
0