Изатулло Абдрахманов: Сирияга жөнөткөн бир адам үчүн 10 миң доллардан убада кылышкан

© Sputnik / Андрей Стенин / Медиабанкка өтүүСириянын желеги. Архив
Сириянын желеги. Архив - Sputnik Кыргызстан
Жазылуу
Ош облусунун 19 жаштагы тургуну Сирияга өспүрүмдөрдү, кыз-келиндерди жана чоң кишилерди жөнөткөн.

БИШКЕК, 25-ноя. — Sputnik. Кыргызстандыктарды Сирияга жөнөтүп жүргөн Ош шаарынын 19 жаштагы тургуну Изатулло Абдрахманов кармалды. 

ИИМдин маалыматтарына караганда ал, бир нече ай ичинде Сирияга өспүрүмдөрдү, кыз-келиндерди жана чоң кишилерди жөнөткөнгө үлгүргөн. 

Сирияга адам жөнөтүүнү ага социалдык тармактардан таанышкан киши сунуштап, ал "эмгеги" үчүн 10 миң долларга чейин каражат убада кылган. 

"Мындан беш ай мурда "Одноклассники" сайтынан "Муслим муджахиддер" (Мусульман жоокерлери) менен байланыш түзө баштадым. Бир күнү профиль ачып кирсем, Аль Бохъари деген бар экен, аны менен WhatsApp аркылуу сүйлөштүм. Мечитке адамдарды топтоп, Сирияга жөнөтүүнү айтып, ыраазы кылабыз деди. Мен да кызыга баштадым", — деди Абдрахманов. 

Ал Сирияга жөнөтүү үчүн кишилерди кантип издегендигин айтып берди.

Согушкерлер Кыргызстандан азгырылган бир кишинин башына $10 миң убада кылышкан
"Оштук балдарды издеп, профилиме "мусулманин" деп ат койдум. Аларга Шамга (Сирияга) кете турган ниетиңер барбы деп жаздым. Бир-экөө жооп берип, дагы бир-экиси жооп берген жок", — деп айтып берди ал.

Ал Сирияга кетүүнү өз да көздөгөнүн кошумчалады.

Буга чейин да Түркияда жашап, элди Сирияга жөнөтүп жүргөн Ош шаарынын 21 жаштагы тургуну аныкталып, ал атасынын жардамы, УКМКнын аракети менен Кыргызстанга алынып келген. 

Жаңылыктар түрмөгү
0