БИШКЕК, 19-ноя. — Sputnik. Үстүбүздөгү жылдын 27-апрелинде криматоритет Дамир Сапарбековду өлтүрүүгө шектелген уюшкан кылмыштуу топтун мүчөсү Зыпарбек Алиев кармалганын ИИМ билдирди.
Маалыматка ылайык, Сапарбеков "Жал-30" кичи районундагы өз үйүнүн жанына өлтүрүлгөн. Бет кап кийген үч куралчан адам ага машинасынан түшүп, подүездге жакын калганда бир нече ирет ок чыгарышкан. Сапарбеков алган жараттарынан улам ооруканага жеткирилгенден кийин жан берген.
Ошол маалда киши өлтүргөн кылмышкерлерди издөө аракеттеринин натыйжасында бирөөсү кармалып, экинчиси из суутуп кеткен. Бир нече кишиге издөө жарыяланган.
Ыкчам-иликтөө иштеринин жүрүшүндө "Манас" аэропортунан Чүй облусунун тургуну "Зыпа" каймана аты бар 31 жаштагы Алиев кармалып, убактылуу кармооу жайга киргизилди.
Учурда тергөө амалдары жүрүп жатат.
