ИИМ: Итибаев атышып жаткан үйдө жалгыз эместиги мүмкүн

© Sputnik / Табылды КадырбековКалашников автоматтары. Архив
Калашников автоматтары. Архив - Sputnik Кыргызстан
Жазылуу
Учурда Итибаев жашырынган №8 "Б" үйдүн жашоочулары сыртка чыгарылып, ал жерди атайын даярдыктагы аскерлер курчап жатат.

БИШКЕК, 22-окт. — Sputnik. Борбор калаанын "Достук" кичи районунда түрмөдөн качып чыгып, учурда милиция кызматкелери менен атышып жаткан Алтынбек Итибаев ал жерде жалгыз эместигин ИИМдеги булак билдирди.

"Азыр атышуу жүрүп жатат, ага кимдир бирөөлөр жардам берүүдө", — деп билдирди ал.

Түрмөдөн качкан Алтынбек Итибаевди кармоо боюнча атайын операция
Аалар жашырынган №8 "Б" үйдүн жашоочулары сыртка чыгарылып, ал жерди атайын даярдыктагы аскерлер камалап турат. Милиция кызматкерлери көздөн жаш чыгаруучу газ колдонду. 

Өткөн аптанын башында 50-түрмөдөн тогуз кылмышкер ЖАМКтын үч кызматкерин өлтүрүп, дагы бири оор жарадар кылып качып чыгышкан. Ооруканага жеткирилген офицер беш күндөн кийин эсине келбей каза болгон.

Качкан кылмышкерлердин бешөө ошол эле түнү кармалып, төртөө из суутканга үлгүргөн. Атайы операциянын натыйжасында алардын экөө жок кылынды. Бирөөсү Эдил Абдырахманов бүгүн "Ала-Тоо" айылынан кармалган. Ал эми түрмөгө кайтарылган кылмышкерлердин үчөө ооруканадан үч күндүн ичинде каза болушту.

Жаңылыктар түрмөгү
0