БИШКЕК, 16-окт. — Sputnik. Шаардык милиция эртең менен түрмөдөн качкан кылмышкер жок кылынган аймакты түнү бою кезектешип күзөтө турганын Sputnik агенттигинин кабарчысы жеринен билдирди.
Бүгүн эртең менен "Дордой-1" жаңы конушунан №50 түрмөдөн качып чыккан Данияр Кадыралиев жок кылынган. Укук коргоо органдары аталган аймакта издөөгө алынган башка кылмышкерлер болушу ыктымал деп бир күн бою тинтүүгө алды.
Күзөткө чыккан милиция кызматкерлери 1,5 саатта бирден алмашып турушат.
Укук коргоо органдары "Дордой" жана "Энесай" жаңы конуштарынын аймагын түнү бою көзөмөлгө алып турат.
