БИШКЕК, 16-окт. — Sputnik. Жок кылынган кылмышкер Азамат Мусуралиев эмес, Данияр Кадыралиев экенин ИИМ билдирди.
Буга чейин "Дордой-1" жаңы конушунан түрмөдөн качып, издөөгө алынган кылмышкердин бири Азамат Мусуралиев атып өлтүрүлгөнү тууралуу маалымат тараган.
Окуя болгон жерге келген ЖАМК кызматкерлери өлтүрүлгөн адам Данияр Кадыралиев экенин такташкан.
Дүйшөмбүгө караган түнү №50 түрмөдө отурган тогуз адам качып кеткен. Аларды токтотууга аракет кылган ЖАМК кызматкерлеринин үчөө өлүп, бирөө оор жарадар болгон. Ооруканага жеткирилген ал кызматкер бүгүн түнү эсине келбестен каза болду.
Атайын операция учурунда алардын бешөө кармалып, төртөө из жашырганга үлгүргөн. Иликтөө иштеринин аркасында бүгүн анын бири атып өлтүрүлдү.
УКМК кылмышкерлердин жайгашкан жери тууралуу так маалымат берген жаранга 300 миң сом өлчөмүндө каражат бере турганын билдирген.
