БИШКЕК, 7-сен. — Sputnik. Финансы полициясы тарабынан Ош шаарындагы "Трое" ишканасынын ири көлөмдө салык төлөөдөн баш тартканы аныкталып, жетекчилигине карата кылмыш иши козголгонун аталган мекеме билдирет.
Текшерүү иштеринин натыйжасында ишкананын документтеринде киреше боюнча туура эмес маалымат берилип, анын кесепетинен 17 миллион 141 миң сом салык төлөнбөй калганы аныкталган.
Аталган факт боюнча кылмыш иши козголуп, иликтөө жүрүп жатат.
