Бишкекте суу түтүгү жарылып, 20 метрлик фонтан пайда болду

Жазылуу
Суу агымынын бийиктиги алты кабаттуу үйгө жетүүдө. Суу менен бирге жарылган жерден таштар ыргып атканын окуяга күбө болгондор айтууда.

БИШКЕК, 8 июнь — Sputnik. Ахунбаев-Тыныстанов көчөлөрүнүн кесилишинде суу түтүгү жарылганын Sputnik агенттигине окуяга күбө болгон жаран билдирди.

Жарылган түтүктөн чыккан суу Бишкек дүкөндөрүнүн чатырын каптоодо
Анын айтымында, суу жогорку басымда агууда. Агымдын бийиктиги алты кабаттуу үйгө жетип жатат. Суу менен бирге жарылган жерден таштар ыргууда. Учурда эки автоунаа жабыркады, суу шаар дүкөндөрдүн биринин чатырын каптоодо. Окуя болгон жерде диаметри эки метрге, тереңдиги бир жарым метрге жеткен аң пайда болгон.

Жаңылыктар түрмөгү
0