БИШКЕК, 23-май — Sputnik. Бишкектеги темир жолдо тепловоз тракторду тебелеп кеткендигин кырсыкка күбө болгон жарандар Sputnik маалымат сайтына билдирди.
Sputnik Бишкектин "Тез жардам" кызматы менен байланышканда, медиктер окуядан трактордун айдоочусу жаракат алгандыгын айтышты.
Кырсык Фатьянов менен Лев Толстой көчөсүнүн аймагындагы термир жолдо болгон. "Тез жардамга" маалымат 08.57те келип түшкөн.
Медициналык кызматынан трактордун айдоочусу мээси чайкалып, көкүрөгү урулуп ооруканага жеткирилгендигин билдиришти.
Өзгөчө кырдаалдар министрлигинен мындай маалымат түшпөгөндөгүн айтышты.
Ал эми Бишкек шаардык №4 клиникалык ооруканасынан, аларга саат 10го чукул Виталий Тажибаев аттуу жаран келип түшкөндүгүн билдирди. Учурда жабырлануучунун абалы канааттандырарлык.
