БИШКЕК, 13-мар. — Sputnik. Бишкек шаарынын борборунда орун алган "Айчүрөк" соода борборунун 5 кабатынан 2 киши лифтин шахтасына кулап каза болгонун Бишкек шаардык ички иштер башкы башкармалыгынан тастыкташты.
Учурда окуя болгон жерде укук коргоо органдары иштеп жатат. Окуянын чоо-жайы териштирилүүдө. "Айчүрөк" соода борборунун администрациясы бул окуя боюнча эч кандай маалымат бере албасын билдирди.
Бишкек шаардык куткаруу кызматына аталган факты боюнча аларга эч кандай маалымат келип түшпөгөнүн маалымдашты.
