Кыргызстандын 5 жараны Башкыртстандагы жол кырсыгынан каза болду

© Sputnik / Меркурий Голоднов / Медиабанкка өтүүАрхив: М-5 "Урал" жолу
Архив: М-5 Урал жолу - Sputnik Кыргызстан
Жазылуу
Россия Федерациясынын Башкыртстан Республикасында ири жол кырсыгы катталып, 7 киши жабыркап, 5 киши каза болду.

БИШКЕК, 5-фев — Sputnik. Бүгүн түнкү саат бирлер чамасында Россия Федерациясынын Башкыртсан Республикасындагы Урал автожолунун 14-чакырымында Октябрь шаарына жетпестен жук ташуучу "Волво" үлгүсүндөгү  жана "Газель" үлгүсүндөгү унаа кагылышкан. Жол кырсыгында жети адам жабыркап, беш адам каза болгон деп билдирет КР Өзгөчө кырдаалдар министрлиги Россиянын ӨКМине шилтеме берүү менен.

Эки адам Октябрь шаарындагы №1 ооруканага жаткырылган. Каза болгон беш адам Кыргызстандын жарандары болгон. 

Кыргызстандын Тышкы иштер министрлигинин маалымат кызматы Sputnik сайтына билдиргендей, жабыркаган жарандардын арасында кыргызстандыктардын бар, жогу учурда такталууда.

Каза болгон кыргызстандык жарандардын тизмеси:

Акым Маминов, 1979-жылы төрөлгөн; 

Бахреттин Шарипов, 1959-жылы төрөлгөн;

Исламбек Кусумбаев, туулган жылы такталууда;

Шералы Нажимутдинов, 1998-ыжы төрөлгөн;

Көчкөнбай уулу Исламбек, 1995-жылы төрөлгөн.

Жаңылыктар түрмөгү
0