Милиция Ош аэропортунан 5 млн долларды жана адам уурдагандарды издөөгө көмөктөшүүгө чакырат

Жазылуу
Ош ИИББи каракчыларды издөөгө элден жардам сурап кайрылды.

БИШКЕК, 29-дек — Sputnik. Ош ИИББи 27-декабрда Ош аэропортунан саат болжол менен 9-00дөр чамасында 5 баштыкка салынган 5 миллион 679 миң доллар жана ушул акчалардын ээси болушу мүмкүн делген кишини уурдап кеткендерди издөө боюнча жардам сурайт. Бул тууралуу Ош ИИББдин маалымат кызматы билдирди.

Баткендин Булак-Башы жайлоосундагы тогуз үйдү өрттөп кетишти
Маалыматка ылайык, Ош — Үрүмчү авиа каттамына жүктөрдү даярдап жаткан учурда, "спецназ" деген жазуусу бар кийимдерди кийип, колдоруна курал кармаган белгисиз беш киши кирип келип, "Спецоперация жүрүп жатат, барыңар жаткыла" деп буйрук берген. Алар 5 сумкага салынган 5 миллион 679 миң долларды жана бир кишини барымтага алып, "Тайота-Эстима" үлгүсүндөгү машина менен изин жашырып кетишкен.

Каракчылар атайын бет кап кийгендиктен алардын ким экенин аныктоо татаалдашууда.

ИИМдин Ош шаары жана Ош облусу боюнча башкы башкармалыгы бул кылмыштын бетин ачууга көмөктөшүүгө чакырат. Ошондой эле, кылмыштуу топ куралчан болгондуктан, аларды жарандардын өз алдынча кармоого аракет жасабоосун Ош ИИББи суранат.

Кылмышкерлердин жашынган жерин, же алар тууралуу маалыматы бар кишилерди 102, (03222) 5-71-81, 5-59-10, 5-52-44 телефондору аркылуу байланышууга чакырат. Кызматташкан адамдар менен жашыруун сыр сакталат.

Жаңылыктар түрмөгү
0