10:36 03 Бештин айы 2016
Түз эфир
Подозрительный предмет обнаружен в день годовщины взрыва на Бостонском марафоне

Фергюсондо нааразы эл дүкөндөрдү өрттөдү, ага полиция кийлигишкен жок

© Sputnik / Петр Мартынычев
Окуялар
Кыскача шилтеме алуу
10 0 0

Кол салууга кабылган жай — Майкл Браун өлтүрүлөрдөн мурун тамеки уурдалган дүкөн болду. Нааразычылык билдирген жаштардын тобу дүкөндөн суусундуктарды алып чыгышууда, аларга эч ким тоскоол кылган жок.

БИШКЕК, 25-ноя — Sputnik. Нааразы болгондор Фергюсондо (Миссури штаты) август айында полиция кара афро-америкалык өспүрүмдү атып өлтүргөн жерде дүкөндөрдү тоноп, өрт коюп жатышат. Полиция аларга тоскоолдук кылган жок деп билдирет CNN телеканалына таянып маалымат берген РИА Новости.

Элдик сотчулар коллегиясы дүйшөмбү күнү полиция кызматкерине адам өлтүргөндүк үчүн күнөө коюудан баш тартты. Аталган чечим жарыяланар замат Фергюсондо нааразылык билдирүүлөр башталып, полиция түтүн чыгаруучу куралдарды колдонуу менен жооп беришти. Бирок күбө болгондор көздөн жаш чыгаруучу газ колдонулгандыгын айтып жатышат. Кармалгандар тууралуу азырынча маалымат жок. 

CNN билдиргендей, нааразылык билдирүүчүлөр дүкөндөрдүн айнектерин талкалап, таш ыргытып, өрттөп, тоноп жатышат. Алар Майкл Браун өлтүрүлөрдөн мурун тамеки уурдалган дүкөнгө кол салышкан. Нааразычылык билдирген жаштар тобу дүкөндөн суусундуктарды алып чыгышууда, аларга эч ким тоскоол кылган жери жок. 

Куралсыз өспүрүм бала ушул жылдын август айында атылган. Окуядан кийинки нааразылык аракеттери бир нече жолу ага катышкандар менен полициянын кагылышуусуна айланган. Бул иш мамлекеттик жана эл аралык талкууга алынды. Бир аз убакыт мурда АКШ президенти наарызылык аракеттеринин катышуучуларын сот отурумунун чечимин сыйлоо жана өз көз караштарын, каза болгондун ата-энеси сурангандай, тынчтык жолу менен билдирүү чакырыгы менен чыккан. 

Полиция кызматкерлери өспүрүмдөрдү аткан учурлар дагы качан болгон 

23-ноябрда полиция кызматкери 12 жашар өспүрүмгө "жанында курал алып жүргөн үчүн" ок чыгарган. Кийин аныкталгандай, бала колуна пневматикалык куралды кармап турган. Полиция кызматкери аны жерге коюуну сураганда, өспүрүм тил албагандыктан, офицер ок чыгарган. Ок деген бала оор абалында медициналык борборго жеткирилген.

2013-жылдын 14-июлунда Калифорниянын Окленд шаарында (АКШ) 17 жашар Трейвон Мартин аттуу кара түстүү баланы атайылап атты деп күнөөлөнүүчү Жорж Циммерман сотто акталып чыккандыгына байланыштуу болгон нааразылык чоң акцияга айланган. Өз ыктыяры менен көчөлөрдө күзөт кылып жана жанына курал алып жүргөн Циммерман өспүрүм ага кол салып, жерге жыгып алып башын тратурага ургулады деп билдирген. Коргоочу тарап Мартин кылмыш жасаганы жатканынан алдын ала шектенип, атайы мушташ баштаган деп билдирген. Алты аялдан турган сот отурумундагылар тобу 16 саат талкуудан кийин өзүн коргоп жатып Мартинди атып алган деген чечим менен Циммерман сот залынан бошотулган.

Тема боюнча

Фергюсондогу башаламандыктардан кийин кеминде үч өрт чыкты
Нью-Йоркто Фергюсон сотунун чечимине каршы толкундоо жүрүп жатат
Белгилер:
Башаламандык, Фергюсон, АКШ

ЭҢ МААНИЛҮҮ