Аукционго коюлган "Ак-Кеме" сатылбай калды

Жазылуу
Кийинки аукциондун убакыт-сааты жакынкы аралыкта белгилүү болот.

БИШКЕК, 11-окт. — Sputnik. Аукционго коюлган "Ак-Кеме" мейманканасы сатылбай калгандыгы тууралуу Sputnik Кыргызстан агенттигине сот аткаруучу Аскат Исмаилов билдирди. 

Белгилей кетсек, "Ак-Кеме" мейманканасын сатууга багытталган аукцион 11-октябрга белгиленген. Анын баштапкы баасы 955 миллион 805 миң сомду түзгөн. 

"Аукционго катышуу үчүн эч ким билдирме жөнөтпөгөнүнө байланыштуу мейманкана сатылбай калды. Эми кайрадан өткөрүлөт. Анда мейманкананын баштапкы баасы бүгүн көрсөтүлгөн суммадан 10 пайызга төмөн болот", — деп ырастады Исмаилов. 

Ал кийинки аукциондун убакыт-сааты жакынкы аралыкта белгилүү болорун белгиледи. 

Сатыкка коюлган "Ак-Кеме" мейманканасынын асмандан көрүнүшүнүн Sputnik Кыргызстан видеосунан көрүңүз>>

Жаңылыктар түрмөгү
0