БИШКЕК, 25-янв. — Sputnik. Бүгүн Кыргызстандын бардык аймактарында күйүүчү майга болгон баа бир сомго арзандаганын Нефтетрейдерлер ассоциациясы билдирди.
Баалар бензиндин бардык үлгүлөрүнө (Аи-80, Аи-92, Аи-95, Аи-98) карата төмөндөгөнү маалыматта айтылат. Ал эми автогазга болгон баа литрине 0,5 сомго арзандаган.
Күйүүчү май 2016-жылдын башынан бери төртүнчү жолу арзандап жатат. Январь айы ичинде үлгүсүнө жараша литрине бир сомдон төрт сомго чейин арзандаган. Ал эми дизелдик майга болгон баа үч сомго түштү.
25-январдан тарта күйүүчү майларга болгон баа: Аи-80 — 31 сом, Аи-92 — 33,5 сом, Аи-95 — 38,5 сом, Аи-98 — 45 сом жана дизелдик май 33,5 сом.
Баалардын төмөндөшү мезгилдик фактор менен чийки мунайдын арзандашына байланыштуу экени маалыматта белгиленет.
