БИШКЕК, 22-янв. — Sputnik. Президент Алмазбек Атамбаев Камбар-Ата ГЭС-1 жана Жогорку Нарын каскаддарын куруу жана эксплуатациялоо боюнча Россия менен жетишилген макулдашууну денонсациялоо боюнча мыйзамга кол койду. Бул тууралуу мамлекет башчынын маалымат кызматы билдирди.
20 Үчтүн айы 2016, 17:39
Макулдашууга 2012-жылдын 20-сентябрында кол коюлган. Бирок президент Россиянын учурдагы экономикалык абалы макулдашуу боюнча алган милдеттемелерин аткара албай турганын айтып, каскаддарды куруу боюнча жаңы инвестор издөө зарылдыгын белгилеген.
Макулдашууну денонсациялоо мыйзамы Жогорку Кеңеш тарабынан 2016-жылдын 20-январында кабыл алынган.
Ага ылайык, Тышкы иштер министрлигине денонсациялоо тууралуу Россия Федерациясын кабардар кылуу тапшырылган.
Мыйзам кол коюлгандан кийин 15 күндөн соң күчүнө кирет.
