БИШКЕК, 3-авг. — Sputnik. Премьер-министр Темир Сариев Жалал-Абад облусунун Ала-Бука районундагы "Иштемберди" алтын кениндеги иштердин жүрүшү менен өткөн ишемби күнү таанышып, аталган кен 20-сентябрда ишке киргизилиши керектигин айтты. Бул тууралуу өкмөттүн маалымат кызматы билдирди.
Маалыматка ылайык, жабдуулардын жарымы ишканага жеткирилсе, калган бɵлүгү Кытайда даярдалууда.
Ишкана ɵндүрүшүнүн кɵлɵмү жыл аягына дейре 200 килограмм металлды түзɵт. Үстүбүздɵгү жылдын соңуна карата республикалык бюджетке салык түрүндɵ 100 миллион сом түшɵт, ал эми комбинат толук ишке киргенден соң, 267 миллион сом түшмɵкчү.
"Иштемберди" алтын кенинин катардагы кызматкерлери 20 миң сомго чейин айлык акы алса, жер астында иштегендер 100 миң сомго чейин акча алышат.
