06:00 09 Бештин айы 2016
Түз эфир
Заправка автомобиля бензином

Нефтетрейдерлер күйүүчү майлардын баасынын арзандарын болжошууда

© Sputnik / Табылды Кадырбеков
Экономика
Кыскача шилтеме алуу
18 0 0

Кыргызстандын нефтетрейдерлери бензин жана дизелдик майдын баасы арзандай турганын билдиришүүдө.

БИШКЕК, 2-дек — Sputnik. Кыргызстандын нефтетрейдерлер ассоциациясы декабрь айында күйүүчү майга болгон баа арзандай турганын божомолдошууда. Бул тууралуу ассоциациянын аткаруучу директору Улан Кулов билдирди.

Анын айтымында, жыл башынан бери Кыргызстанда күйүүчү майга болгон баа 22 пайызга өскөн. Башкача айтканда, 8,6 сомго кымбаттаган. Биринчи жарым жылдыкта баалар 2,3 же болбосо 5,2 пайызга жогорулаган. Экинчи жарым жылдыкта болсо, баалар кескин түрдө кымбаттаганы байкалып, ал 6,3 сомго же 15 пайызга өскөн.

"Ошол эле учурда Кыргызстандагы нефтепродуктунун баасы Өзбекстан менен Тажикстанга салыштырмалуу төмөн. Мисалы Өзбекстанда Аи-92 маркасындагы бензиндин литри 61 сом, Аи-95 маркасындагы бензин 82 сом турат", — деди аткаруучу директор.

Күйүүчү майдын кымбатташы дүң рынокто баалар жогору болуп жаткандыктан жана валюталардын курсунун өйдө-төмөн болушунан улам болуп жатканын кошумчалады. Күйүүчү май саткан россиялык компаниялар өз бааларын чет элдик валютада коюшууда.

Декабрда Кыргызстандын нефтетрейдерлер ассоциациясы күйүүчү майлардын жаңы партиясы келгендиктен, бензиндин баасы төмөндөйт деп болжошууда. Ошондой эле, алар күйүүчү майга болгон сезондук талап бир аз төмөндөгөнүн билдиришти.

Белгилер:
Күйүүчү май, Кыргызстандын нефтетрейдерлер ассоциациясы, Улан Кулов

ЭҢ МААНИЛҮҮ