21:38 03 Бештин айы 2016
Түз эфир
Грецкий орех

Жалал-Абадда жаңгак боюнча эл аралык фестиваль өтөт

© Sputnik / Табылды Кадырбеков.
Экономика
Кыскача шилтеме алуу
18 0 0

Фестиваль өтө турган Барпы атындагы Кыргыз драма театрында Жалал-Абаддагы жаңгак токоюнун азыркы абалы боюнча сөз болуп, ага кошумча көргөзмө-жармаңке уюштурулмакчы.

БИШКЕК, 17-ноя — Sputnik. Жалал-Абадда үстүбүздөгү жылдын 22-ноябрында жаңгакты сактап калуу жана ага инвестиция тартуу максатында биринчи ирет жаңгак фестивалы өтөт. Бул туурасында "АгроЛид" коомдук бирикмесинин басма сөз кызматы билдирди.

Фестивалдын максаты – Жалал-Абаддагы жаңгак токоюн сактап калууга коомчулуктун көңүлүн буруу менен грек жаңгагынын маркетингин жакшыртып, инвестиция тартуу үчүн Кыргызстандын имиджин жакшыртуу. 

Кыргызстанда дүйнөдө аймагы, баалуулугу жана уникалдуулугу боюнча сейрек кездешкен эң чоң жаңгак токойлору жайгашкан. Учурда бул байлыкты сактап калуу зарылдыгы турат.

Фестиваль өтө турган Барпы атындагы Кыргыз драма театрында жаңгак токоюнун азыркы абалы жана учурда жаңгактын кандай сатылып жаткандыгы туурасында форум болот. Буга кошумча жаңгак жана токой өсүмдүктөрүнүн көргөзмө-жармаңкеси уюштурулат.

"Жаңгак токойлору – КРдин улуттук байлыгы, ал Жалал-Абад облусунун токой колдонуучуларынын жашоосуна, ден соолугуна зарыл делген заттар менен камсыздоодо жана Кыргызстандын экономикасынын өнүктүрүүдө чоң роль ойнойт", — деп айтылат аталган уюмдун тараткан билдирүүсүндө.

Токойду ысырапкерлик менен колдонуунун кесепетинен, анын аянты кескин кыскарып, деградацияга кабыла баштаган. Акыркы учурда ал жерге мал жайып, отун катары дарактарын кыйып, кээ бир аймактарды айдоо жер катары пайдалангандыктан, токойго бир топ зыян келген. 

Андыктан, уникалдуу бул жаңгакты сактап калууга коомчулуктун көңүлүн буруу керек дешет фестивалдын уюштуруучулары. 

Иш-чара "АгроЛид" коомдук бирикмесинин жана бир канча уюмдардын, Бириккен Улуттар Уюмунун өнүктүрүү программасынын "Соодага жардамчы болуу" долбоорунун алкагында өтүүдө.

Белгилер:
Жаңгак, АгроЛид, Жалал-Абад

ЭҢ МААНИЛҮҮ