БИШКЕК, 24-дек. — Sputnik. Кыргызстандын "Азия MIX" командасы Россия КВНинин жогорку лигасында жеңип чыгып, чемпион аталганын оюндун рамий сайты (kvn.ru) сайты жазды.
Оюндун жыйынтыгы боюнча "Азия MIX" (Бишкек) – 10,9, "Спарта" (Астана) – 10,6, Мурманск шаарынын курама командасы – 10,4, Москва циркинин курама командасы – 10,2, "Радио Свобода" (Ярославль) – 9,5 упай топтошту.
Экинчи "Музыкалык биатлон" сынагында Мурманск шаарынын КВНчилери менен акырына чейин калып, 0,9 упай менен тең чыгышты.
Акыркы "Жаңы жылдык фристайл" сынагына дагы биздин жигиттер өтө жоопкерчиликтүү даярданып, Александр Масляковдун тандоосуна үч тамаша даярдашкан.
"Ошентип "Азия MIX" 2016-жылдын чемпиону аталды. "Азияны" куттуктайбыз! Керемет оюн көрсөткөндүгү үчүн ыраачылык билдиребиз", — деп жазылат сайтта.
"Азия MIX" жеңиши үчүн «Открытие" банкынан 700 000 рубль сыйлык алышты.
Бүгүнкү оюнда калыстар тобуна кирген Татьяна Навка, Юлий Гусман, Михаил Галустян, Константин Лавроненко, Семен Слепаков жана Сергей Гармаш бишкектик команданын мыктылыгын дагы бир ирет баса белгилешти.
Оюнду эртең Россиянын биринчи каналынан көрө аласыздар.
