БИШКЕК, 9-окт. — Sputnik. Кыргызстандык бийчи Жан Воиновдун ТНТ телеканалындагы "Танцы" телешоусунда бийлеген видеосун анын энеси Ассоль Молдокматова өзүнүн Facebook социалдык тармагындагы баракчасына жайгаштырды.
Белгилей кетсек, кыргызстандык үч бийчи буга чейин ТНТ телеканалынын "Танцы" телешоусуна барып катышып, баары тең кийинки турга өткөн. Жаз айында тартылган видеону кечээ телеканалдан көрсөтүштү.
Жан Воинов бийлеп бүткөндөн кийин калыстардын бирөө "сен бийдесиң" деп айткан.
Кыргызстандык бийчи бул сынакка чоң энесинин суранычы менен келгенин билдирди. Кастинг болоорго бир жума калганда чоң апасы небересинен ТНТ каналынын бул телешоусуна барып катышып, мага ал жактан салам жолдо деп айткандыгын билдирди.
