Euronews Көчмөндөр оюндарынын роликтерин көрсөтмөй болду

© Пресс-служба президента КР / Султан ДосалиевКыргызстандын жана II Дүйнөлүк көчмөндөр оюндарынын желектери. Архив
Кыргызстандын жана II Дүйнөлүк көчмөндөр оюндарынын желектери. Архив - Sputnik Кыргызстан
Жазылуу
Оюндар 3-8-сентябрь күндөрү Ысык-Көлдүн жээгинде өтөт. Ушу тапта спорттук мелдешке катышуу үчүн 20 өлкө макулдугун берди.

ЧОЛПОН-АТА, 1-авг. — Sputnik. Euronews телеканалы II Дүйнөлүк көчмөндөр оюндарынын проморолигин көрсөтө турганын президент Алмазбек Атамбаев Чолпон-Ата шаарында өткөн маалымат жыйында билдирди.

Экинчи ирет өтө турган оюндар 3-8-сентябрь күндөрү Ысык-Көлдүн жээгинде тартууланмакчы. Азырынча иш-чарага 20 мамлекеттин спортчулары катыша турганы аныкталды.

"Дүйнөлүк лидерлер үчүн Кыргызстан эли, басып өткөн жолу жана санжыргалуу тарыхы менен кызыктуу. Жакында Euronews Көчмөндөр оюндары тууралуу тартылган промороликтерди көрсөтө баштайт. Быйыл конок көп болоруна ишеним артам", — деди өлкө башчы.

Көчмөндөр оюндарынын катчылык өкүлү Дарика Асылбашеванын Sputnik Кыргызстан агенттигине айтып бергени боюнча, ролик жакында эле тартылып бүткөн.

"Мында оюндар жана өлкө тууралуу айтылат. Ролик кыргыздардын улуттук оюнун таасын чагылдырган", — деди ал.

Sputnik Кыргызстан маалымат агенттиги жана радиосу Дүйнөлүк көчмөндөр оюндарынын расмий медиа өнөктөшү болуп саналат.

Расмий промороликти Sputnik Кыргызстан агенттигинин видеосунан көрүңүз>>

Жаңылыктар түрмөгү
0