БИШКЕК, 15-май — Sputnik. Швециянын Стокгольм шаарында өткөн "Евровидение-2016" эл аралык музыкалык конкурсунун жеңүүчүсү болуп Кыргызстанда төрөлгөн Жамала ээледи. Ал Украинанын атынан чыккан.
Быйыл катышуучуларга добуш берүү тартиби толугу менен өзгөргөн. Жеңүүчүнү атайын калыстар тобу менен ар бир өлкөнүн көрүүчүлөрү аныктаган.
Россиянын атынан катышкан Сергей Лазеревге эң жогорку 12 деген упайды Азербайжан, Кипр, Белоруссия жана Греция берген. Калыстардын берген упайы боюнча орус ырчысы бешинчи орунга татыган. Биринчи орунду алар Австралияга, экинчи орунду Украинага беришкен. Телекөрүүчүлөр орус ырчысына эң жогорку 361 упайды берген.
Ошентип алдыңкы беш орунду төмөнкү мамлекеттер алды:
"Евровидение-2016" сынагынын финалына Россия, Мальта, Азербайжан, Армения, Австрия, Кипр, Чехия, Нидерланды, Хорватия, Венгрия, Латвия, Грузия, Болгария, Австралия, Украина, Сербия, Польша, Израиль, Литва, Бельгия, Швеция, Улуубритания, Италия, Испания, Германия, Франция мамлекеттеринен атынан катышкан ырчылар чыккан.
Жамаланын өз аты Сусанна Жамалдинова. Ал 1983-жылы Ош шаарында төрөлүп, кийин үй-бүлөсү менен Крымга көчүп кеткен.
