БИШКЕК, 10-апр. — Sputnik. "Саякбай манасчы" тасмасы үчүн Ысык-Көлдүн Тоң районундагы Тоң айылында даярдык иштери башталды. Бул тууралуу тасма тартууну демилгелеп уюштурган "Саякбай манасчы" коомдук фондусунун мүчөсү Улан Исмаилов билдирди.
Эскерте кетсек, тасманын сценарийине сынак жарыяланып, аны белгилүү режиссер Эрнест Абдыжапаров жеңип алган.
"Учурда көл жээгинде Саякбай манасчы жашаган үй жасалып, теректер тигилип жатат. Тасма Тоң айылынан тышкары Барскоондо, Сырт, Каркыра жайлоолорунда, Ак-Өлөңдө, Үзөңгү-Куушта тартылат", — деди Исмаилов.
Ал учурда актерлор тандалып жатканын кошумчалады.
Тасманы тартуу иштери июнь айында башталмакчы.
