БИШКЕК, 31-мар. — Sputnik. Дүйнөлүк көчмөндөр оюндарында "Кырчын" жайлоосунда өткөрүлө турган иш-чараларды уюштурууга 793 адам тартыла турганын Тарых жана маданият жылын өткөрүү боюнча дирекция билдирди.
Көчмө жыйын учурунда мамлекеттик орган жетекчилери маданий бөлүктү кое турган чыгармачыл топ менен биргеликте этношаарчаны жайгаштыруу жана маданий-массалык иш-чараларды өткөрүүнүн техникалык маселелерин талкуулады.
Жыйын катышуучулары жайлоонун оюн-зоок өтө турган жерин алдын ала белгилеп, сахна жана жарык берүүчү аппаратураны жайгаштыруу ордун аныкташты.
Үстүбүздөгү жылдын 3-8-сентябрь күндөрү II Дүйнөлүк көчмөндөр оюндары өтөт. Программага улуттук спорттун 26 түрү кирип, иш-чарага 40ка чукул команда чакырылды.
