Чүй облустук театры улуттук драма театрын жеңип алды

© Sputnik / Табылды КадырбековСахнадагы театр артисти. Архив
Сахнадагы театр артисти. Архив - Sputnik Кыргызстан
Жазылуу
Бишкекте Театрлар таймашынын экинчи беттешүүсү өттү. Калыстар тобу упай чегерүү менен жеңишти Чүй облустук театрга ыйгарышты.

БИШКЕК, 13-мар. — Sputnik. Театрлар таймашынын экинчи беттешүүсүндө Токтоболот Абдымомунов атындагы улуттук драма театры менен беттешкен Шаршен Термечиков атындагы Чүй облустук театры жеңишке жетишти. Бул тууралуу Маданият, маалымат жана туризм министрлигинин маалымат катчысы Кундуз Качкынбаева билдирди.

Ника сыйлыгы. Архив - Sputnik Кыргызстан
"Ника" сыйлыгын алууда "Сүтак" тасмасынын атаандаштары аныкталды
Маалыматка ылайык, иш-чара 11-март күнү өткөн. Театр жамааттарын трагедиядан Уильям Шекспирдин "Ричард III", драмадан Мар Байжиевдин "Төрт адам" жана комедия жанрынан Токтоболот Абдымомуновдун "Маашырбек үйлөнөт" чыгармаларынан үзүндүлөрдү аткарышкан.

Калыстар тобу упай чегерүү менен жеңишти Чүй облустук театрга ыйгарышкан. 

Театрлар таймашы аталган министрлик тарабынан демилгеленип, алгачкысында Мамлекеттик "Учур" жаштар театры менен сахнага чыккан Кыдыкеева атындагы Мамлекеттик жаш көрүүчүлөр театры жеңип кеткен.

Жаңылыктар түрмөгү
0