БИШКЕК, 6-дек. — Sputnik. Белгилүү режиссер Темир Бирназаровдун уламышка айланган улуу ырчы Мыскал Өмүркановага арналган "Мыскал эже" аттуу документалдуу тасманын бет ачары өтө турганын Кинематографияны колдоо фонду билдирди.
Маалыматка ылайык, тасма залкар инсандын 100 жылдык мааракесине арналууда. Жарым сааттык тасманын бет ачар салтанаты 8-декабрь күнү саат 15.00дө Токтогул Сатылганов атындагы Кыргыз улуттук филармонияда өтөт.
Сценарийи Айбек Шамшыкеевге таандык тасма "Төлөмүш Океев" атындагы улуттук киностудияда тартылган.
