"Сүтактын" режиссеру Мирлан Абдыкалыков абройлуу киноакадемиянын мүчөсү болду

© предоставлено Алтынай КойчумановойМирлан Абдыкалыковдун "Сүтак" тасмасынан көрүнүш. Архив
Мирлан Абдыкалыковдун Сүтак тасмасынан көрүнүш. Архив - Sputnik Кыргызстан
Жазылуу
Жалгыз уулунан ажырап, келини Шайыр менен небереси Умсунайды медер тутуп жашаган жылкычы Акылбек менен байбичеси Карачачтын тоодо күн кечирип келген жашоосун чагылдырып берген тасма "Айтыш-фильм" киностудиясы менен "Ой-Арт" продюсердик компаниясы тарабынан тартылган.

БИШКЕК, 30-ноя. — Sputnik. Айтылуу "Сүтак" тасмасы менен атагы алыска кеткен режиссер Мирлан Абдыкалыков Австралиянын Брисбен шаарындагы Азия-Тынч океан киноакадемиясынын мүчөлүгүнө кабыл алынды. Бул тууралуу "Айтыш-фильм" киностудиясынын маалымат кызматы билдирди.

Австралиялык кинофестивалда "Сүтак" калыстардын сыйлыгына ээ болду
Буга чейин "Сүтак" тасмасы Asian Pacific Screen Awards киноакадемиясынын азиялфк фильмдерди колдогон НЕТПАК уюмунун байгесине татыган. Сыйлык тапшыруу аземи 26-ноябрь күнү Брисбен шаарында өтүп, ага 22 мамлекеттен 39 тасма катышкан. 

Аталган уюм тасмаларды өз өлкөсүнүн колоритин, өзгөчөлүгүн, маданиятын мыкты чагылдырып бергендиги боюнча баалап келет. 

Жалгыз уулунан ажырап, келини Шайыр менен небереси Умсунайды медер тутуп жашаган жылкычы Акылбек менен байбичеси Карачачтын тоодо күн кечирип келген үй-бүлөсүнүн жашоосун чагылдырып берген тасма "Айтыш-фильм" киностудиясы менен "Ой-Арт" продюсердик компаниясы тарабынан тартылган.

Жаңылыктар түрмөгү
0