КМШ парламенттери Айтматов атындагы сыйлыкты Тамразянга ыйгарды

© Sputnik / Лев Иванов / Медиабанкка өтүүЧыңгыз Айтматов. Архив
Чыңгыз Айтматов. Архив - Sputnik Кыргызстан
Жазылуу
30 миң доллар өлчөмүндө акча каралган сыйлык КМШ мамлекеттеринин Парламенттер аралык ассоциациясынын токтому менен Кыргызстандын Жогорку Кеңеши тарабынан демилгенленген.

БИШКЕК, 27-ноя. — Sputnik. КМШ мамлекеттеринин парламенттер аралык ассамблеясынын Чыңгыз Айтматов атындагы сыйлыгы ыйык Месроп Маштоц атындагы Матенадар байыркы кол жазма институтунун директору Грач Тамразянга ыйгарылды. Бул тууралуу Жогорку кеңештин маалымат кызматы кабарлады.

Билдирүүгө ылайык, сыйлык бүгүн ассамблеянын жыйыны өтүп жаткан Санкт-Петербург шаарында берилип, аны ассамблеянын төрагасы Валентина Матвиенко менен Жогорку Кеңештин төрагасы Асылбек Жээнбеков тапшырды.

Жээнбеков Тамразяндын чыгармачылыгын жогору баалоо менен анын жазгандары мындан кийин да чоң кызыгууну жаратарын белгиледи.

Чыңгыз Айтматов. Архив - Sputnik Кыргызстан
Россияда Айтматовдун "Кыямат" чыгармасы боюнча спектакль коюлат
Тамразян сыйлык үчүн ыраазычылык билдирип, Айтматовдун улуулугун, залкарлыгын белгилеп, мындай абройлуу сыйлыктын тапшырылышы менен сыймыктанарын айтты. 

30 миң доллар өлчөмүндө акча каралган сыйлык КМШ мамлекеттеринин Парламенттер аралык ассоциациясынын токтому менен Кыргызстандын Жогорку Кеңеши тарабынан демилгеленген. 

Адабият, искусство, билим берүү, маданият тармагын өнүктүрүүгө кошкон салымы үчүн бериле турган сыйлык биринчи жолу россиялык адабий гезитинин башкы редактору Юрий Поляковго, ал эми былтыр Азербайжандын жазуучулар союзунун төрагасы Анар Рзаевге ыйгарылган.

Жаңылыктар түрмөгү
0