БИШКЕК, 27-ноя. — Sputnik. Германиянын борбор калаасы Берлин шаарында бүгүн Фестивалдардын фестивалы башталганын Кинематографты колдоо фонду билдирди.
Маалыматка ылайык, иш-чара бүгүн башталып, 6-декабрга чейин уланат. Мында дүйнөнүн булуң-бурчунан жыл ичиндеги мыкты деп табылган 14 тасма чакырылды.
25 Жетинин айы 2015, 11:06
Фестивалга Кыргызстандан режиссер Марат Сарулунун "Көч" аттуу тасмасы катышууда. Иш-чарада тасмалар конкурстук негизде эмес, буга чейин бир катар сынактардын жеңүүчүсү катары жөн гана көрөрмандарга тартуулана турганы анын өзгөчөлүгү болуп саналат.
Кыргызстандык тасмадан тышкары фестивалга Португалия, Иран, Россия, Мексика, Колумбия, Кытай, Тайвань, Таиланд, Индия, Грузия, Швейцария жана Норвегия мамлекеттери да катышат.
Режиссер "Көч" тасмасында кыргыз коомчулугунун бүгүнкү күндөгү социалдык көйгөйлөрүн жогорку чеберчилик менен чагылдырып берген.
