"Кыргызстан — кыска метраждуу тасмалардын өлкөсү" 23 тасманы электен өткөрөт

© Sputnik / Артем Житенев / Медиабанкка өтүүКинотеатр кызматкери. Архив
Кинотеатр кызматкери. Архив - Sputnik Кыргызстан
Жазылуу
Ири маданий иш-чаранын эл аралык сынагына 13, ал эми улуттук конкурсуна 10 тасма катышат. Аларды кино, маданият жаатындагы абройлуу адистер бааламакчы.

БИШКЕК, 26-ноя. — Sputnik. Декабрь айында өтө турган V Эл аралык "Кыргызстан — кыска метраждуу тасмалардын өлкөсү" кинофестивалына 13 мамлекеттин тасмасы ат салыша турганын "Айтыш-фильм" киностудиясы билдирди.

Маалыматка ылайык, быйыл фестивалга катышуу үчүн КМШ, Балтика мамлекеттери менен Грузиядан 300дөн ашуун маалымдама келген. 

"Айтылуу кинематографисттер менен маданият ишмерлеринен турган тандоо комиссиясы быйыл атаандаштык күчтүү болгонун, көп сандагы тасмалар сынакка кирбей калганын белгиледи", — деп айтылат билдирүүдө.

Кыргызстанда деле татыктуу жашоого болорун "Тегирмен" Екатеринбургда далилдейт
Фестивалдын негизги конкурсуна Азербайжан, Армения, Белоруссия, Грузия, Казакстан, Кыргызстан, Латвия, Литва, Өзбекстан, Украина, Россия, Тажикстан жана Эстония мамлекеттеринин тасмалары катышмай болду. 

Кыргызстандын намысын режиссер Гузель Дүйшөнкулованын "Аруулук балдары" коргомокчу.

Буга чейин фестивалдын улуттук сынагында байгелүү орундар үчүн 10 кыргызстандык тасма ат салышары белгилүү болгон. 

12-декабрда башталган иш-чаранын жыйынтыгы үч күндөн кийин чыгып, "Манас" кинотеатрында "Макты тасма", "Мыкты режиссура", "Калыстар тобунун атайын байгеси" жана "Көрүүчүлөрдүн тандоочу" номинациялары боюнча орундар бөлүштүрүлөт.

Жаңылыктар түрмөгү
0