Нурак Абдрахманов, жазылбай калган тарых, Нобель сыйлыгына көрсөтөбүз деген китеп

© Фото / предоставлено семьей Нурака АбдрахмановаКомузчу Нурак Абдрахманов. Архив
Комузчу Нурак Абдрахманов. Архив - Sputnik Кыргызстан
Жазылуу
Залкар комузчу, СССРдин жана Кыргыз эл артисти, Токтогул сыйлыгынын лауреаты Нурак Абдрахманов көзү тирүү болгондо бүгүн 68 жашка чыкмак. Бирок ал узакка созулган оорудан улам 2014-жылы 26-майда жалган дүйнө менен кош айтышкан.
Алтынкыз Абдрахманова: Атамдын тарых боюнча жазылып бүтпөй калган эмгектери калды

БИШКЕК, 19-окт. — Sputnik. Нурак Абдрахмановдун кызы Алтынкыз Абдрахманова тубаса таланттар бир кылымда бир жолу жарала турганын айтып, анын жазылып бүтпөгөн тарыхый эмгектери артында калганын эскерет.

"Атам комузга катарлаш эле тарыхка да аябай кызыкты. Тарых боюнча көп ойлорун жазып бүтө албай кетти деп ойлойм. Себеби, баштап коюп аягына чыкпай калган эмгектери менде сакталуу турат. Комузун колуна кармап алып дүйнөнү кыдырганда жөн жүрбөй, "кыргыз жөнүндө дүйнөнүн кайсы бурчунда эмне кеп бар экен" деп изилдеп, өмүр бою чогулткан эмгегинин жыйынтыгында "Улуу баян" деген тарыхый китеп жазды", — дейт ал.

© фото предоставлено семьей Нурака АбдрахмановаЗалкар комузчу, СССРдин жана Кыргыз эл артисти, Токтогул сыйлыгынын лауреаты Нурак Абдрахманов көзү тирүү болгондо бүгүн 68 жашка чыкмак.
Залкар комузчу, СССРдин жана Кыргыз эл артисти, Токтогул сыйлыгынын лауреаты Нурак Абдрахманов көзү тирүү болгондо бүгүн 68 жашка чыкмак. - Sputnik Кыргызстан
1/4
Залкар комузчу, СССРдин жана Кыргыз эл артисти, Токтогул сыйлыгынын лауреаты Нурак Абдрахманов көзү тирүү болгондо бүгүн 68 жашка чыкмак.
© фото предоставлено семьей Нурака АбдрахмановаБирок, ал узакка созулган оорудан улам 2014-жылы 26-майда жалган дүйнө менен кош айтышкан.
2/4
Бирок, ал узакка созулган оорудан улам 2014-жылы 26-майда жалган дүйнө менен кош айтышкан.
© Фото / предоставлено семьей Нурака АбдрахмановаНурак Абдрахманов жаштарга өзүнүн билимин берип, тажрыйбасын бөлүшүүдө өзгөчө усулдук аракеттери менен айырмаланган
3/4
Нурак Абдрахманов жаштарга өзүнүн билимин берип, тажрыйбасын бөлүшүүдө өзгөчө усулдук аракеттери менен айырмаланган
© Фото / предоставлено семьей Нурака АбдрахмановаНурак ата өрнөктүү өмүр, дөөлөтүү карылыкты жашады дейт манасчы Самат Көчөрбаев
Нурак  ата өрнөктүү өмүр, дөөлөтүү карылыкты жашады дейт манасчы Самат Көчөрбаев - Sputnik Кыргызстан
4/4
Нурак ата өрнөктүү өмүр, дөөлөтүү карылыкты жашады дейт манасчы Самат Көчөрбаев
1/4
Залкар комузчу, СССРдин жана Кыргыз эл артисти, Токтогул сыйлыгынын лауреаты Нурак Абдрахманов көзү тирүү болгондо бүгүн 68 жашка чыкмак.
2/4
Бирок, ал узакка созулган оорудан улам 2014-жылы 26-майда жалган дүйнө менен кош айтышкан.
3/4
Нурак Абдрахманов жаштарга өзүнүн билимин берип, тажрыйбасын бөлүшүүдө өзгөчө усулдук аракеттери менен айырмаланган
4/4
Нурак ата өрнөктүү өмүр, дөөлөтүү карылыкты жашады дейт манасчы Самат Көчөрбаев

Нобель сыйлыгы жана "Улуу баян" китеби

"Улуу баян" китеби жарык көргөндө окумуштуу-тарыхчылар арасында чоң талкуу жаратканын жана аны Нобель сыйлыгына көрсөтүү боюнча сөздөр болгонун Алтынкыз Абдрахманова мындайча эскерет.

"Нобель сыйлыгы "Дүйнө элдерин бириктирүүгө кошкон салымы" деп да берилет экен. Атамдын "Улуу баян" китебин дал ушул сыйлыкка көрсөтөбүз деп тарыхчылар арасында сөз болгонун уккам. Себеби бул китепте адамзаттын келип чыгышы, адамдар кантип башка аймактарда байырлап калганы боюнча фактылар далилдерге таянып жазылган. Бул китеп бардык дүйнө элдерин бириктирет деп тарыхчылар сөз кылышкан", — дейт ал.

Комуз үйрөнүүдөгү "эн белги" түшүнүгү

Самат Көчөрбаев: Нурак Абдрахманов сонун чыгармаларды бизге калтырып кетти

Токтоболот Абдымомунов атындагы Улуттук академиялык драма театры. - Sputnik Кыргызстан
Эл аралык "Арт-Ордо" фестивалы бүгүн көшөгөсүн ачат
"Устат-шакирт" салттык музыка борборунун окуу бөлүмүнүн башчысы Самат Көчөрбаев Нурак Абдрахманов жаштарга өзүнүн билимин берип, тажрыйбасын бөлүшүүдө өзүнүн өзгөчө усулдук аракеттери менен айырмаланганын айтат. Ал табиятынан таланттуу, идиреги бар балдарга нота менен эмес, "эн белги" менен комуз үйрөткөнүн айтат. 

"Нота тааныбаган, бирок табиятынан ыр жандуу, күү жандуу, комузду мыкты черткен, өнөргө дилгир болуп жүргөн балдарды комузга кызыктырып, аны бат өздөштүрүүнүн жолун үйрөтүш үчүн классикалык нотадан тышкары дагы "эн белги" деген өзүнүн ыкмасын иштеп чыккан", — дейт ал.

Эн белги музыкалык билими жок балдар үчүн алгачкы комуз үйрөнүүгө өзгөчө жардам берчү маанилүү ыкма экенин Көчөрбаев баса белгиледи. 

"Башкача айтканда, муну тамга деп түшүнөлү. Тамганы тааныган бала окуганды билгендей эле, ал кишинин "эн белгисин" тааныса, нота билбей туруп деле, ылдый, өйдө, илип чертип, уруп чертип деп үйрөнүп алса болот. Аз мөөнөттүн ичинде балдар жакшы жыйынтыктарды көргөзгөнүн билебиз", — дейт ал.

Сариев алп акын Алыкулдун айкелинин ачылышына катышып, каражат тапшырды
Нурак Абдрахманов өрнөктүү өмүр, дөөлөтүү карылыкты кечиргенин айткан Көчөрбаев ал төгөрөгү төп келген жорго экенин белгилейт. Себеби, Нурак ата комуз чертип, обон чыгарып жана ырларды ийинине жеткире аткарган. 

"Ал тургай "Манастан" да үзүндүлөрдү табына келтирип, мыкты айткандарын угуп-көрүп калдык. Ал киши комузду кандай чертип, ырды кандай ырдаса, терме насыят ырларды да ошондой чыгарып ырдаган. Бир эле мисал алалы. "Бул дүйнө" деген чыгармасында кандай керемет ойлор айтылган.

Адал жүрөк, ак ниет алсыздарга шум дүйнө,

Жан дүйнөсү бош калган, наадандарга кур дүйнө.

Кадырына жеткенге катасы жок нур дүйнө,

Биз кетсек да калар жаркып, дайым жапжаш бул дүйнө, 

дайым сулуу бул дүйнө деп сонун чыгармаларды бизге калтырып кетти. Залкар инсан катары бул киши биздин эсебизде", — деп эскерет Самат Көчөрбаев.

Улуу талант…

Самара Токтакунова: Нурак Абдрахманов мени "байбиче", "Курманжан датка" деп тамашалап калар эле

Нурак Абдрахманов менен бир сахнада чогуу ырдап калган комузчу Самара Токтакунова ал кишини өзүнүн ишин мыкты билген чебер экенин айтат. 

"Абдан оригиналдуу, уникалдуу, өзүнчө стили, өзүнчө боёгу бар талант болчу. Чебер комузчу, бийик мастер, комузга көп чыгармаларды жаратты. Устат-шакиртте чогуу иштеп калдык. Ар дайым жакшы мамиле кылып, мени "байбиче", "Курманжан датка" деп тамашалап койчу. Бул кишинин дүйнөдөн өткөнүнө ичим ачышат, себеби, дагы далай чыгармаларды жаратмак", — дейт Токтакунова. 

Нурак Абдрахмановдун кызы Алтынкыз Абдрахманованын айтымында, залкар комузчунун жолун эң кичүү уулу жолдойм деп консерваториянын биринчи курсунда окуп жатат. Андан сырткары, Нурак атанын бир небереси да анын жолун улап, аракет кылып келет.

Жаңылыктар түрмөгү
0