БИШКЕК, 29-авг. — Sputnik. Ала-Тоо аянтында боло турган майрамдык салют 10 мүнөткө созуларын Бишкек мэриясынын маалымат кызматы билдирди.
"Саат туура түнкү 12:00 болгондо салют аттыруу пландалууда", — деп маалымат кызматы белгиледи.
Кечинде болчу иш-чаралардын баарын россиялык "Фабрика-Арт" компаниясы уюштуруп, ал "Газпром" компаниясы тарабынан каржыланат.
Эгемендүүлүк күнүндө президент Алмазбек Атамбаевдин демилгеси менен борбор калаада майрамдык концерт өтүп, ага Россиянын эстрада ырчылары катышат. Майрам салют менен аяктайт.
Майрамдык концерт 31-августта кечки саат 6:30да башталып, түн ортосуна дейре Ала-Тоо аянтында өтөт. Көрүүчүлөрдүн көңүлүн Дима Билан, Григорий Лепс, Вера Брежнева, Сплин, Ottawan жана "Город 312" тобу көтөрөт. Ошондой эле, аларды кыргыз эстрада ырчылары да коштойт.
Ал эми күндүз бишкектиктерди жана шаар конокторун Алмазбек Атамбаев куттуктайт.
КРдин Көз карандысыздык күнүнө арналган майрамдык салтанаттар
