БИШКЕК, 30-апр. — Sputnik. Жогорку Кеңеште Улуу Жеңиштин 70 жылдыгына арналган "Согуш альбому: жүздөр аркылуу кайрылуу" деп аталган фотокөргөзмө ачылат. Бул туурасында ЖКнын маалымат кызматы билдирди.
Улуу Ата мекендик согуш майданында салгылашууга түздөн-түз катышкан Кыргыз ССРинин Жогорку Кеңешинин алгачкы 20 эл өкүлү курман болуп, 15и дайынсыз жоголгон.
Фотокөргөзмөдө 51 депутат тууралуу маалымат чогултулган. Максаты — Улуу Ата мекендик согушка катышкан Кыргыз ССРинин Жогорку Кеңешинин биринчи чакырылыштагы (1938-жыл) депутаттарынын элесин түбөлүккө калтыруу.
Фотокөргөзмөнүн ачылышына Жогорку Кеңештин депутаттары, Кыргыз ССРинин биринчи чакырылыштагы Жогорку Кеңешинин депутаттарынын укум-тукумдары, Кыргызстандын ардагерлер уюмдарынын өкүлдөрү катышат.
