БИШКЕК, 18-апр. — Sputnik. СССРдин эл артисти, КРдин Токтогул атындагы мамлекеттик сыйлыгынын лауреаты Болот Миңжылкиевдин бюстун Россиянын Санкт-Петербург шаарындагы Мариин театрына коюу салтанаты 17-апрелде болгонун Жогорку Кеңештин маалымат кызматы билдирди.
Салтанатты Жогорку Кеңештин депутаты Каныбек Иманалиев ачты.
"Миңжылкиев Кыргызстанда төрөлүп, Ташкент, Италияда билим алып, көптөгөн мамлекеттердин сахналарында өз өнөрүн тартуулаган. Анын акыркы иштеген жери Маарин театры болгон. Миңжылкиевдиин чыгармачыл өнүгүшү ушул театр менен байланышкан. Дал ушул театр дүйнөгө опера искусствосунун генийлерин тартуулады", — деди ал.
Иманалиев ошондой эле, бул жерге анын эстелигин коюуну улуу инсандын чыгармачылыгына таазим экендигин кошумчалады.
Салтанат Мариин театрынын концерттик программасы менен коштолду.
Болот Миңжылкиевдин бюсту колодон жасалган. Анын бийиктиги 60 сантиметр. Эстеликтин скульптору Аскар Турумбеков аны жасоого 250 миң сом керектелгенин айтат.
Миңжылкиевдин бюсту атактуу опера ырчылары Николай Фигнер, Федор Стравинск, Иван Мельников, Медея Фигнер жана композитор Эдуард Направниктин бюсту турган театрдын галереясында орун алат.
