Демилгеге ылайык, мас абалдагы айдоочунун күбөлүгү беш жылга алынат. Эгерде ошол эле адам экинчи ирет мас абалда кармалса, өмүр бою рулга отуруу укугунан ажырайт.
Үстүбүздөгү жылдын январь айынан августка чейин 3 667 жол кырсыгы катталып, 567 адам каза болгон. Ал эми 5690 адам оор жаракат алган. Мындан сырткары, жол кырсыгынан 91 бала каза болуп, 1230у жаракат алган. Аталган жол кырсыктары жол эрежелери сакталбагандыктан, айдоочу рулга мас абалында отурушунан улам келип чыккан.
