БИШКЕК, 15-ноя. — Sputnik. Казакстандын Улуттук банкынын төрагасы Данияр Акишев аталган банк 1-декабрь президенттин күнүнө жана Казакстандын эгемендүүлүгүн 25 жылдыгына карата өлкө башчы Нурсултан Назарбаевдин сүрөтү түшүрүлгөн акча чыгарат. Бул тууралуу Sputnik Казакстан агенттиги маалымдады.
Анын айтымында, эгемендүүлүктүн тарыхы президент Назарбаев менен тыгыз байланышта.
"Бүгүнкү күндө Казакстан эл аралык деңгээлде тең укуктуу мамлекет болуп саналат. Казакстандын эгемендүүлүк алгандан берки жетишкендиктеринин баарында Нурсултан Назарбаевдин салымы чоң", — деди Акишев Астанада өткөн жыйында.
Улуттук банктын төрагасы купюраларга өлкө тарыхына зор салым кошкон адамдардын сүрөтү түшүрүлүп келгенин баса белгилеген.
"Нурсултан Абишевичтин сүрөтү түшүрүлгөн акча өз ордун табат деген ойдомун", — деди Данияр Акишев.
Ошондой эле ал 1993-жылдагы жаңы акчанын дизайнын өлкө башчы ойлоп тапканын айтып, өлкөнүн 25 жылдыгына карата жаңы монета чыкканын да кошумчалады.
