БИШКЕК, 9-сен.— Sputnik. Өзбекстандын Борбордук шайлоо комиссиясы өлкөдө президенттик шайлоону 4-декабрга белгилегенин Sputnik Өзбекстан маалымат агенттиги билдирди.
"Өзбекстандын Борбордук шайлоо комиссиясынын токтомуна жана Конституциянын беренелерине ылайык, президенттик шайлоо 4-декабрга белгиленди", — дейт Өзбекстандын БШКсынын төрагасы Мирза-Улугбек Абдусаломов.
Борбордук шайлоо комиссиясы ошондой эле президенттик шайлоого даярдыктарды көрүү боюнча программаны да бекитти.
Өзбекстандын президенти Ислам Каримов 2-сентябрда 78 жашында каза болуп, анын сөөгү Самаркандга коюлган. Учурда өлкө башчынын милдетин премьер-министр Шавкат Мирзиеев аткарууда.
