Продюсер Баян Есентаеванын күйөөсү аны өлтүрүүгө аракет кылды деп айыпталууда

Жазылуу
Бахытбек Есентаев 8 жылдан 15 жылга чейин эркинен ажыратылышы мүмкүн.

БИШКЕК, 13-июн. — Sputnik. Аялы Баян Есентаеваны бчактаган деп кармалган Бахытбек Есентаевдин аракети "Адам өлтүрүүгө аракет кылуу" деген оор беренеге которулганын Новости-Казакстан агенттиги Алматы облусунун ички иштер департаментине шилтеме берүү менен билдирди. 

Баян Есентаева 10-июнда Талгар шаарынын ооруканасына бычактан алган жаракаты менен жеткирилген. Бул кылмыш ишин жасоого шектүү катары анын күйөөсү Бахытбек Есентаев кармалган.

"Учурда шектелүүчүгө Казакстандын Кылмыш жаза кодексинин "Адам өлтүрүүгө аракет кылуу" беренеси боюнча айып коюлууда. Бул иш ички иштер департаментинин жеке көзөмөлүндө", — деп айтылат билдирүүдө.

Бахытбек Есентаев эки айга камакка алынды. Ал 8 жылдан 15 жылга чейин эркинен ажыратылышы мүмкүн.

Жаңылыктар түрмөгү
0