БИШКЕК, 21-мар. — Sputnik. Президенттин партиясы "Нур Отан" Казакстандын төмөнкү палатасына 81,95 пайыз добуш алып өттү. Бул тууралуу Новости – Казакстан маалымат агенттиги билдирди.
Белгилей кетсек шайлоо 20-мартта өткөн.
Ошондой эле, жети пайыздык босогону Казакстандын коммунисттик элдик партиясы менен "Ак жол" партиясы өткөнү "Медиа консул" уюмунун exit poll маалыматтарында айтылат.
"Нур Отан" 81,95 пайыз, Казакстандын коммунисттик элдик партиясы 7,22, "Ак жол" — 7,24, "Бирлик" — 0,39, Жалпы элдик социал-демократиялык партиясы — 1,20 "Ауыл" — 2 пайыз добуш алды", — деди "Медиа Консул" социологиялык агенттигинин директору Юрий Черкасов журналисттерге билдирди.
Сурамжылоого 225 шайлоо участкасы камтылып, 40 миң 50 киши катышкан.
Казакстанда жекшемби күнү, 20-мартта мажилиске (төмөнкү палата) партиялык тизме боюнча шайлоо өттү. Ага алты саясый партия ат салышты. Алар "Нур Отан", Казакстандын коммунисттик элдик партиясы, "Ак жол, "Бирлик", Жалпы элдик социал-демократиялык партиясы жана "Ауыл" партиялары.
