"Кыргызстан — кыска метраждуу тасмалар өлкөсү" VI эл аралык кинофестивалдын кадыры жыл санап өсүп баратат. Бул тууралуу Sputnik Кыргызстан агенттигине аталган фестивалдын арт-директору Ника Жолдошева билдирди.
Анын айтымында, учурда катышуучулардан бирлдирме алуу мөөнөтү соңуна чыгып, эми жакын арада алардын тизмеси дайын болот.
"Быйыл биз күткөндөн да көп билдирме түштү. Бул фестивалдын улам барган сайын кадыр-баркы артып жатканынан кабар берет. Фестивалдын алкагында кыргызстандык жаш режиссерлор үчүн дүйнөгө аты чыккан адистерден мастер-класстар уюштурулат", — деди Жолдошбекова.
Кинофестиваль эл аралык жана улуттук сынак болуп эки багытта өтөт. Иш-чара "Айтыш" коомдук фондусу, Кинематографисттер союзунун колдоосу менен өтүп, быйыл каржы маселесин Маданият, маалымат жана туризм министрлиги көтөрмөй болду.
