Мугалим кир жуугуч машина алып бербей койгон ата-энелердин балдарын сабаган. Бул тууралуу Өнүгүү — Прогресс" фракциясынын депутаты Тазабек Икрамов парламентте ар кандай маселелер каралып жатканда билдирди.
"Менин дарегиме шаардагы №61 мектептин 2-класста окуган балдардын ата-энелеринен арыз келип түштү. Аталган мектептин окуу бөлүмүнүн башчысы 2-класстын окуучусун уруп, ден соолугуна зыян келтирген. Класс жетекчи ата-энелерден 25 миң сомдук кир жуугуч машина алып берүүнү талап кылган. Бирок ата-энелер андан баш тарткандан тартып, ата-энелер комитетинин жетекчисинин уулуна кысым жасап, мектептен кетирүүгө аракет кылып жатат", — деди депутат.
Эл өкүлү аталган маселе боюнча ИИМге арыз жазылгандыгын айтып, аталган мектептин директорун, завучун жана класс жетекчисин иштен четтетүүгө чакырды.
