"Ата керээзи" тасмасында бир элдин жана бир үй-бүлөнүн трагедиясы камтылыптыр. Трагедияга кабылткан турмушту жеңген нерсе — өлүм болот. Картинада өлүмдүн арты менен уулу элине келип атанын керээзин аткарып атканын көрсөтүлүп, кыргыздын терең философиясын ачып бериптир. Кыскача айтканда, тасма Кыргызстандагы чоң окуя болуп калды", — деди Турсунбеков.
Кечээ "Ата керээзи" "Ала-Тоо" кинотеатрында парламенттин депутаттарына көрсөтүлдү.
Sputnik Кыргызстан мультимедиалык борборунда өткөн маалымат жыйында "Ата керээзинин" продюсерлеринин бири Талантбек Төлөбеков "Оскар" сыйлыгына көрсөтүлгөн тасманын жаратуучуларына АКШ элчилиги виза бербей жаткандыгын айткан.
Бул маселе боюнча төрага Турсунбеков тасманын чыгармачыл тобуна АКШга виза ачуу жагынан жаралган маселеге көмөк көрсөтүүгө аракет кыларын айтты.
"Президенттик аппараттагы тиешелүү кызматтын кишилери бул ишке кийлигишип жатыптыр. Мен да эртең менен АКШнын элчилигине байланышка чыгайын деп турам", — деди Турсунбеков.
"Ата керээзин" режиссерлор Бакыт Мукул жана Дастан Жапар уулу тарткан.
