14:36 07 Бештин айы 2016
Түз эфир
Ата керээзи тасмасынын продюсерлеринин бири Талантбек Төлөбеков
© Sputnik / Табылды Кадырбеков

Талантбек Төлөбеков: АКШга виза берилбей "Оскарга" бара турган топтун маанайы чөктү

Радио
Кыскача шилтеме алуу
"Атанын керээзи" — өмүр, өлүм жана туулган жер жөнүндөгү тасма (24)
6010

"Ата керээзи" тасмасынын продюсерлеринин бири Талантбек Төлөбеков АКШ элчилигине тиешелүү документтерди алып барышса "билебиз, көрсөтпөй эле койгула" деп эшигин жапканын айтты.

Ал белгилегендей "Оскар" сыйлыгын тапшыруу аземине катышуу үчүн атайын топ 23-октябрда учуп кетиши керек. 

"Топтун курамында эки режиссер, эки продюсер жана бир котормочу бар. Элчилик курамда адам көп деп жатат. Биз англис тилин түшүнбөгөндүктөн котормочу керек экенин түшүндүрдүк. Бирок майнап чыккан жок", — деди Төлөбеков. 

Учурда атайын топтун мүчөлөрү капаланып, маанайлары чөккөнүн белгиледи.

"Буга чейин биздин тасма тууралуу көп эле маалыматтар чыккан да. Керек болсо документтерди дагы алып бардык. Бирок "билебиз, көрсөтпөй эле койгула" деп коюшту", — деп кошумчалады продюсер. 

Бакыт Мукул менен Дастан Жапар уулу тарткан тасма "Оскар" сыйлыгынын узун тизмесине киргизилген.

Тема:
"Атанын керээзи" — өмүр, өлүм жана туулган жер жөнүндөгү тасма (24)

Тема боюнча

"Ата керээзи" тасмасын "Оскарга" алып баруучу топко АКШ визасы берилбей жатат
Белгилер:
продюсер, виза, АКШ

ЭҢ МААНИЛҮҮ