БИШКЕК, 19-дек. — Sputnik. Кыргызстандыктар такси кызматын көп колдоно баштады. Бул тууралуу Улуттук статистикалык комитетинин январь-октябрь айларына карата чыгарган маалыматында айтылат.
Бир жылда кардарлардын саны 2 миллионго көбөйүп, жалпысынан 22,2 миллионду түзгөн.
Ал эми темир жолду колдонгондор азайган (240,5 миң), ошондой эле учак жүргүнчүлөрүнүн саны да 905 миңден 121 миңге чейин кыскарган.
Ал эми автобус менен жүргөндөр 429 миллиондон 504 миллионго чейин көбөйсө, троллейбуска түшкөндөр 1,9 миллион кишиден 2,2 миллионго чейин чыккан.
