Ош: милиция шайлоого карата күчөтүлгөн тартипте иштей баштады

Жазылуу
Облус аймагындагы шайлоо тилкелерине бюллетендер 8-декабрь күнү жеткирилгенден баштап ар бир шайлоо тилкесине экиден милиция кызматкери бөлүндү.

БИШКЕК, 10-дек. — Sputnik. Ош облустук Ички иштер башкармалыгынын өздүк курамы 11-декабрда өтө турган шайлоого карата күчөтүлгөн тартипте иштей баштады. Бул тууралуу Ош облустук ИИБдин маалымат катчысы Жеңиш Ашырбаев Sputnik Кыргызстан маалымат агенттигинин кабарчысына билдирди.

Анын айтымында, облус аймагындагы шайлоо тилкелерине бюллетендер 8-декабрь күнү жеткирилгенден баштап ар бир шайлоо тилкесине экиден милиция кызматкери бөлүнгөн.

"Алар добуш берүү аяктаганга чейин шайлоо тилкелеринин аймагындагы коомдук коопсуздукту камсыздап, тартипти көзөмөлдөшөт", — деди Ашырбаев.

Белгилей кетсек, 11-декабрда референдум жана айрым жергиликтүү кеңештердин депутаттарын шайлоо өтөт. Облус боюнча жалпы 92 кеңештин 72синде жергиликтүү кеңешке шайлоо өткөрүлөт. Калган 20 кеңеште референдум гана болот.

Ош облусунда жалпы 580 миң шайлоочу катталган.

Жаңылыктар түрмөгү
0