БИШКЕК, 4-авг. — Sputnik. Президент Алмазбек Атамбаев террорчу жана экстремисттерди кыргыз жарандыгынан ажыратууга жол берген мыйзамга кол койгонун өлкө башчынын маалымат кызматы билдирди.
Өзгөртүүлөр Кылмыш, Кылмыш-жаза аткаруу кодексине, терроризм жана экстремизм менен күрөшүү, КРдин жарандыгы жөнүндө, мамлекеттик пенсиялык социалдык камсыздандыруу мыйзамдарына киргизилген. Ал Жогорку Кеңеш тарабынан 30-июнда кабыл алынган.
Мыйзамда терроризм жана экстремизм менен айыпталган жарандардын жазасын күчөтүү жана жарандыгын алып салуу чаралары каралган.
